» حەسرەت»

 

ن: نازم حیکمەت
و: سەعید ئەمانی

دەمەوێ بگەڕێمەوە بۆ دەریا و
وێنای باڵاکردوی خۆم
لە ئاوێنەی ئاوداببینمەوە
من دەمەوێ بگەڕێمەوە بۆ نێو دەریا
پاپۆڕەکان
بەرەو ئاسۆی روون دەئاوژوێن
بەبێ ئەوەی کەسەرێک
بایەوانەکانیان شلوێ بکات.

رۆژێک
تەمەنم لە کەشتیەکاندا کۆتایی دێت
گەرکمە
وەک تیشکێک کە بەناخی ئاوەکاندا رۆدەچێ
تێیاندا بکوژێمەوە.

دەمەوێ بگەڕێمەوە بۆ دەریا
گەرکمە بەرەو دەریا بگەرێمەوە.

Read Full Post »

» بەسەرچوون»

 لە تەنیاییدا غەمگین و پەرۆشم

لەبەر ئازاری بێ تویی نەخۆشم

شەمی هیوام خەریکە دێتە سوتان

شەوی هیجران نەڕۆیی و تێدەکۆشم

لەداوێنی بەیانی وەسڵت گیرکەم

سەری پەنجەی خەیاڵ و بیر و هۆشم

تەمام بێنی دەمت بمدەیتێ ماچی

تا ئیکسیری ژیانی لێ بنۆشم

هەموو کاتم بە ناکامی بەڕێ بوو

بەسەرچوو هیوا و ئاواتی بەتۆشم

سەعید ئەمانی

Read Full Post »